Suer Melk un söten Honnig

Man, wat glöövst du, wovun de Damens dor so jung utseht? Se smeert sik dicken Kliester op de Backen. „Kosmetik“ nöömt 'n dat. Un dat duert männichmal dree Stünnen, ehrer se sik ünner Minschen truut. Denn solang bruukt se, üm man uttosehn, as noch vor twintig Johrn. Klopp du man mal an'n Vörmdag bi ehr an! Mit suer Melk un söten Honnig in't Gesicht, so kaamt se an de Döör. Dat heet, wenn se al opstahn sünd un die „empfangen“ wüllt.