Us äm Nüt cha mängisch o Aues cho

Aphorisme sy so öppis zwüsche Prosa u Poesie. Mi weiss nie gnau, zu weler Site sie gö go nächbärle. Äs sy so Gedankesprüng. Die springe de mängisch desume wie jungi Fülli. U mängisch sy sie träg wie ne Chue, wo äm Bode liegt u wiederhout das chöuet, was sie gfrässe het.
Um was für Theme geits de ungerangerem inhautlech? Über d Coronazyt wird gschprächlet; ds gfüute Wüsse u ds Gwüsse beschriebe; Betrachtige vom Sunneufgang Jungfroujoch wärde gmacht – u d Frag, ob usem Nüt mängisch ou Aus cha cho, wird beantwortet.