Elektitaj metoderoj de komputil-programado

Metodoj estas tio, kio el scienco faras inĝeniersciencon. Sendube la
informadiko disponas sufiĉe da agnoskataj metodoj por esti inĝenierscienco,
sed ne ĉiuj interkonsentas pri tiuj metodoj. La teksto ne nur donas
superrigardon pri kelkaj gravaj metoderoj, metodoj kaj metodaroj, sed ankaŭ
prilumas iliajn teknikajn kaj psikologiajn bazojn, por ebligi al la studento
la memstaran prijuĝon pri la taŭgeco de aliaj metodoj por difinitaj okazoj.
Estas prezentataj interalie la bazoj de la ordonema, funkciema kaj objektema
programado kaj la grava nocio „lokeco“. Krome estas klarigataj kelkaj
fundamentaj nocioj de la objektema programado: klaso, heredo, metodo, membro,
virtualeco, dinamika bindado, superŝarĝado.