Meermärken

Wunnerlich geiht dat to an de Küst un deep ünnen, up den Grund vun't Meer. Söben Märken vertellen vun de Königsche Noordsee, vun de Meerfru in ehr gediegen Kristallslott, dat Strieden tegen Wellenpeer un Wulkenscheep, ruchbannig Hünen, afgünstige Fisch, den Meerkeerl Ekke Nekkepenn, modige Fischerlüüd, un daarvun, wat een Zaubermöhl mit dat Salt in't Water to doon hett. To dat Book mit de apart Billers vun Dorothée Böhlke höört een CD daarto, wo een de Märken vun de Sylter Vertellersche Linde Knoch tolustern kann. So warrn de Geschichten för lütte un grote Märkenfrünnen levig. Man to, höör un kiek in’t Billerbook för de Ohren.
Wat gifft dat to hören: Vun de Noordseekönigsche un den Fresenhüün / De Rockeloor vun de Meerjumfer / De dree Pött an'n Meergrund / De Meerkeerl Ekke Nekkepenn / De twee Riesen / De Schull / De Zaubermöhl